"કોઈ ખડાયતા બંધુ ભૂખ્યો ન સુવો જોઈએ ." તેવી વિચારધારાના પ્રેરક સ્વ.રમણલાલ શેઠના વિચારને સમગ્ર જ્ઞાતિએ અનુમોદન આપ્યું અને ૩૭ વર્ષ અગાઉ જનતા ચેરીટેબલ સોસાયટીની ૧૯૭૬ ના સ્થાપના થઇ. આપણી સંસ્થા ભૂખ્યાને અનાજ અને બીમારને દવાના આદર્શને વરેલી છે. સંસ્થાને આવકવેરા ધારા હેઠળ રજીસ્ટ્રેશન સર્ટિ મળેલ છે તેમજ કલમ ૮૦-જી નુ પ્રમાણપત્ર પણ મળેલ છે જેથી દાતાઓને આવકવેરા કપાતનો લાભ મળે.હિસાબો નિયમિત ઓડીટ થાય છે અને સંપૂર્ણપણે લોકશાહી રીતે વહીવટ ચાલે છે.ભૂખ્યાને અન્ન અને બીમારોને સજા કરવા મદદરૂપ થવા માટેની ખાદયાતાઓની આ એક જ મધ્યસ્થ સંસ્થા છે. આ સંસ્થા પાસે દર વર્ષે આર્થિક અને દાકતરી સહાય માટે ૩૦૦ જેટલી અરજીઓ આવે છે અત્યાર સુધીમાં ૧૩ હજાર અરજદારોને આર્થિક સહાય અને મેડીકલ સહાય પેટે ૧ કરોડ રૂપિયાની મદદ કરેલ છે.સપ્ટેમ્બર ૨૦૧૩ માં મે પ્રમુખપદ સંભળ્યું ત્યારે ભંડોળ ૮૫ લાખનું હતું. જે વધતી મોઘવારી અને વધતા મેડીકલ ખર્ચેને પહોંચી વળતા જરૂરી ભંડોળ કરતા ગણું જ ઓછું છે તેથી આપણી સંખ્યા દ્વારા અપાતી મદદ પુરતી નથી તેમાં વધારો થાય તે આવશ્યક છે. આ શક્ય બનાવવા ભંડોળમાં તાત્કાલિક ધરખમ વધારો કરવો જરૂરી છે. સંસ્થાના ટ્રસ્ટીઓ ભંડોળમાં ઓછામાં ઓછો ૧ કરોડનો વધારો ઈચ્છે છે. ભૂખ્યા અને બીમારોના આંસુ લુછવા આ સંસ્થાને મહત્તમ દાનની જરૂર છે. કોઈ જીવનું અકાળે મુર્ત્યુ ન થાય તથા કોઈ ખડાયતા બંધુ ભૂખ્યો ન સુવે તે માટે મદદરૂપ થવા જેવું બીજું કોઈ પુણ્ય નથી. ભૂખ્યાનો જઠરાગ્નિ ઠારવાથી કે માંદગીમાં રાહત આપવાથી જે આશિર્વાદ મળે છે તેની તોલે કોઇપણ દાન આવી શકે નહિ. આવા ઉત્તમ સેવાકાર્યમાં સહયોગી બની યથાશક્તિ દાન આપી અંતરના આશીર્વાદ પ્રાપ્ત કરો તેવી પ્રાર્થના. જનતા ચેરીટેબલ સોસાયટીના નામનો યથાશક્તિ દાનનો ચેક મોકલવા હદયપૂર્વકની અરજ કરીએ છીએ.